Өскемен мен ШҚО Марқакөл ауданында сауықтыру кешені салынады
"Altai Invest – 2025" форумында Марқакөл ауданы әкімдігі мен "Aila Tau" ЖШС арасында 598 млн теңгелік келісімге қол қойылған болатын
Фото:
pexels
Бұл қаржыға 2026–2031 жылдар аралығында Шағанатты ауылында марал шаруашылығына бағытталған сауықтыру кешені салынбақ, деп хабарлайды Устинка LIVE тілшісі.
Сонымен қатар, Урунхайка ауылында жеке "Markakol Lodge" жобасы іске асырылып, 6 глэмпинг-үй салынды. Ауыл ШҚО-дағы ең үздік рекреациялық аймақ ретінде танылып, оны дамытуға 200 млн теңге бөлінді. Оның 100 млн теңгесі 2026 жылы туристік инфрақұрылымды дамытуға жұмсалады, - дейді аудан әкімі Рустембек Кемешев.
Сондай-ақ "Ауыл аманаты" бағдарламасы шеңберінде екі жоба мақұлданды:
- "Рахат Туризм" ӘКК – жабдықтарды жаңғырта отырып, қонақ үйді қайта жаңарту;
- "Айсаб" ӘКК – Ақжайлау ауылында туристерді қабылдауға арналған 8 киіз үйден тұратын этноауыл салу.