ШҚО тұрғыны 360 келіден астам шаянды заңсыз тасымалдаған

"Браконьер" республикалық жедел-профилактикалық іс-шарасы барысында Құйған ауылдық округіне қарасты «Қызыл ту» өткелінде жүргізілген тексеру кезінде Күршім ауданының ЖПҚБ ППТ қызметкерлері 34 жастағы жергілікті тұрғынның басқаруындағы автокөлікті тоқтатқан. Оның көлігінен рұқсат құжаттары жоқ тірі шаяндар анықталған, деп хабарлайды Устинка LIVE тілшісі ШҚО ПД баспасөз қызметіне сілтеме жасап.

Көлікте жалпы салмағы 364 кг-дан асатын 6320-ға жуық тірі шаян болған.

Күршім ауданының инспекциясы залал сомасы шамамен 2 014 000 теңгені құрайтынын хабарлады.

Сотқа дейінгі тергеу барысында көлік жүргізушісі шаяндарды бетперде киген, бұрын танымайтын бес ер адамнан сатып алғанын айтқан. Кейін тауарды күйеу баласының газеліне тиеп, Өскеменге бет алған, жолда оны тәртіп сақшылары ұстаған. Оған қатысты ҚР ҚК-ның 335-бабы 1-бөлігі бойынша сотқа дейінгі тергеу басталды, - дедіШҚО ПД бастығының бірінші орынбасары Думан Қожахметов.

Естеріңізге сала кетейік, "Браконьер" жедел алдын алу шарасы 19 қарашаға дейін жалғасатын болады.