Өскемен мен ШҚО Күршімдегі көшелердің біріне бас санитардың есімі берілді
Қызмет барысында коронавирус жұқтырып көз жұмған бас санитар Қайрат Баймухамбетовтің есімі Күршімдегі көшелердің біріне берілді
Алматы облысының Бас мемлекеттік санитариялық дәрігері болған, Қазақстан денсаулық сақтау ісінің үздігі, II-шi дәрежелі «Барыс» орденінің иегері Қайрат Қажиманұлы осыдан екі жыл бұрын қызмет барысында аты жаман дерт жұқтырып бақиға аттанған еді, деп хабарлайды Устинка LIVE тілшісі ШҚО СЭБД баспасөз қызметіне сілтеме жасап.
Күршім ауданы ардагерлерінің ұсынуымен, аудан әкімшілігі мен Шығыс Қазақстан облыстық Санитариялық-эпидемиологиялық бақылау департаменті басшысының қолдауымен Күршім ауылы көшелерінің біріне еліне елеулі еңбек сіңірген, пандемия кезінде халықтың саулығы жолында жанын құрбан еткен санитариялық дәрігер, Күршім ауданының тумасы Қайрат Қажиманұлы Баймухамбетовтің есімі берілді, - деп жазды ШҚО СЭБД баспасөз қызметі.
