Өскемен мен ШҚО Күршім ауданында бүгін "Таза бейсенбі" акциясы өтті
Күршім ауылындағы орталық көшелер қоқыстан тазартылды
Экологиялық акцияға жергілікті тұрғындар қатысып, ауылды көркейтуге атсалысты, деп хабарлайды Устинка LIVE тілшісі.
"AMANAT" партиясының бастамасымен тұрақты түрде жүргізіліп келе жатқан "Таза бейсенбі" экологиялық акциясы Күршім ауданында жалғасын тапты. Шара аясында аудан орталығының басты көшелерінің бірі қоқыстан тазартылып, абаттандырылды.
"Таза бейсенбі" акциясы – тек қоқыс жинау емес, ол адамдардың санасына табиғатты аялау, туған жерді қорғау сезімін сіңіру. Біз аудан тұрғындарымен бірлесіп, орталық көшелерді абаттандырдық. Мұндай шаралар алдағы уақытта да тұрақты жалғасын табады, – деді "AMANAT" партиясының Күршім аудандық филиалының төрағасы Досым Жұмағалиев.
Акцияға аудан жастары, партия белсенділері мен жергілікті тұрғындар қатысып, көшелердің сәнін келтіріп, қоғамдық орындардың тазалығына атсалысты.
Біздің ауылымыздың таза, әдемі болғаны бәрімізге ортақ қуаныш. Осындай шараға қатысу арқылы балаларымызға үлгі көрсетеміз. Таза орта – салауатты өмірдің кепілі, – деді ауыл тұрғыны Татьяна Пересыпкина.