Өскемен мен ШҚО Катонқарағай ауданында тұрғын үйден ірі көлемде есірткі табылды
Катонқарағай аудандық полиция бөлімінің кезекші бөліміне тұрғындардың бірінің үйінде есірткі заттарының заңсыз сақталуы туралы жедел ақпарат түскен
Жедел іздестіру шаралары барысында жер үй мен оның іргелес аумағындағы шаруашылық құрылыстарының бірінен есірткі жасырылған орын анықталған, деп хабарлайды Устинка LIVE тілшісі.
Полиция қызметкерлері бастырма астындағы ас үй орындығының ішінен үш полимерлі пакетті тапқан. Пакеттердің ішінде ерекше иісі бар, қоңыр-жасыл түсті өсімдік тектес зат болған. Сонымен қатар, басқа үй-жайдан есірткі шегуге арналған құрылғылар табылып, тәркіленді, - деп мәлімдеді ШҚО ПД. - Сараптама қорытындысына сәйкес, тәркіленген зат — жалпы салмағы 1,7 килограмнан асатын кептірілген марихуана екені белгілі болды. Бұл көрсеткіш есірткі заттарының аса ірі мөлшеріне жатады.
Полиция қызметкерлері азаматтарды салауатты өмір салтын ұстануға және есірткі қылмысы мен нашақорлыққа қарсы күресте белсенді азаматтық ұстаным танытуға шақырады. Егер сізге есірткі құралдарының заңсыз айналымы туралы фактілер белгілі болса, дереу 102 нөміріне хабарлау қажет.