Өскемен мен ШҚО Катонқарағай ауданында киіз үй қалашығы бой көтерді
"Алтай – түркі әлемінің алтын бесігі" халықаралық фестиваліне келген қонақтар үшін көрме, демалыс аймағы мен кемпинг ұйымдастырылды
Бүгін, 13 маусым, Алтайдың төрінде түбі бір түркі елдерінің басын қосатын дүбірлі той басталды. 11 елдің өкілі қатысады деп болжануда, деп хабарлайды Устинка LIVE тілшісі.
Шығыстың әр ауданының әкімдігі 20 көрме-киіз үй, тамақтануға арналған 17 киіз үй және қонақ күтетін 21 кемпинг шатыр тіккен.
Ұйымдастырушылар фестиваль өтетін аймақты жарықтандырып, су жеткізген, барлық қажетті жағдай жасалған.
Айта кетейік, бүгін жерлес Дидахмет Әшімханұлының шығармашылығына арналған ғылыми конференция өтті. Кешке ел руханиятының ірі тұлғалары Қалихан Ысқақ пен Дидахмет Әшімхановтың құрметіне поэзия фестивалі жоспарланған.
Сондай-ақ, бүгін ХХІІІ халықтық спорт ойындарының аясында ат жарысының ашылу салтанаты өтті. Бұл - халқымыздың тарихи мұрасын дәріптейтін, рухты көтеретін ұлттық спорттың шынайы мерекесі.
Следующая →
