Өскемен мен ШҚО Осы сенбіде Өскеменде ауылшаруашылық жәрмеңкесі өтеді
Бұл жолы Катонқарағай ауданының ауылшаруашылық тауар өндірушілері өз өнімдерін ұсынады
Жәрмеңкеде өнімдер нарықтық бағадан 15-20% төмен бағамен сатылады, деп хабарлайды Устинка LIVE тілшісі.
19 сәуірде "Алтай" КТО аумағында Катонқарағай ауданы ауылшаруашылық тауар өндірушілердің және Өскемен қаласы кәсіпкерлерінің қатысуымен ауылшаруашылық жәрмеңкесі өткізіледі.
Жәрмеңкеде 5,6 млн теңгеге 2275 кг ауылшаруашылық өнімдері саудаланады. Оның ішінде 800 кг сиыр еті, 720 жылқы еті, 100 кг қой еті,150 кг бал және тағы да басқа өнімдер, - деп хабарлады Катонқарағай ауданы әкімдігі.
Жыл басынан бері облыстың қалалары мен аудандарында 14 сәуірдегі жағдай бойынша 1194 жәрмеңке өтіп, онда 727,5 млн теңгеге ауылшаруашылық өнімдері сатылған.