Өскемен мен ШҚО Ұлан ауданынан Солтүстік Қазақстанға 26 тонна ауыз су жөнелтілді
Ұлан ауданының тұрғындары тасқыннан зардап шеккен өңірге гуманитарлық көмек жіберді
Ұландықтар тасқыннан зардап шеккен Солтүстік Қазақстан өңіріне гуманитарлық көмек жинауға белсенді атсалысты, деп хабарлайды Устинка LIVE тілшісі.
Қиын уақытта ШҚО Ұлан ауданының тұрғындары береке-бірліктерін көрсетіп, гуманитарлық көмек жинауға белсенді атсалысты, - дейді Ұлан ауданы әкімінің орынбасары Лязиза Кенжетаева.
3 тоннаға жуық жиналған гуманитарлық көмектің ішінде азық-түлік, киім-кешек, аяқ киімдер, гигиеналық құралдар мен дәрі-дәрмектер. Одан өзге, Зайсанда шығатын таза ауыз су жөнелтілді.
Топан су басқан аймақтарда ауыз су жарамсыз. Сол себепті аудан тұрғындары атынан 26 тонна ауыз су жөнелтілді, - деп атап өтті Лязиза Кенжетаева. - Сондай-ақ, аудан кәсіпкерлері мен жанашыр азаматтар арнайы қорға қаржылай көмек аударып жатыр.
