Өскемен мен ШҚО Ұлан ауданындағы тау арасында шыққан өрт сөнген жоқ
Асубұлақ орман шаруашылығының аумағында таулы, жартасты, жетуі қиын жерлерде 3 шілде күні өрт шыққан
Тілсіз жау шамамен 20 га аумақты шарпыған, деп хабарлайды Устинка LIVE тілшісі ШҚО ТЖД ақпаратына сүйеніп.
Асубұлақ орман шаруашылығының аумағында таулы, жартасты, жетуі қиын жерлерде шамамен 20 га алаңда құрғақ шөп пен бұталардың өрті сөндірілуде. Елді мекендерге қауіп жоқ, - делінген хабарламада.
Өртті сөндіруге ШҚО әуе бөлімшесінің 2 тікұшағы, "Қазавиақұтқару" АҚ-ның 2 тікұшағы және Қорғаныс министрлігінің 1 тікұшағы тартылды, 72 рет су төгілді.
Орманшылардан, өрт сөндірушілерден және ЖАО-дан 200-ден астам адам, 25 техника жұмылдырылды.