Өскеменде ертеңнен бастап трамвайлар жүрмейді

Қазақстан көшесіндегі трамвай жолдарын жөндеудің екінші кезеңі басталатындықтан 6-13 шілде аралығында трамвай вагондары жүрмейді, деп хабарлайды Устинка LIVE "Өскемен қаласының көлік компаниясы" ЖШС ақпаратына сүйеніп.

№3 бағыт үшін №15 компенсациялық автобусы, №1 және №4 бағыттағы трамвайлар үшін Қазақстан көшесі бойымен №26 бағыттағы автобус, ал Абай даңғылы бойымен №64, №6 бағыттағы автобустар күшейтілген режімде қатынайтын болады, - делінген хабарламада.

Болашақта трамвай қатынасы ыңғайлы әрі қауіпсіз болуы үшін реконструкция жұмыстары қажет. Биыл жоба аясында Үлбі көпірі маңындағы темір жол да қалыпқа келтірілмек.