Өскемен мен ШҚО Ұлан ауданында ШҚО құтқарушылары әйелге көмекке келді
Зардап шеккен адам саусағының қатты ісіп кетуіне байланысты сақинаны өз бетінше шеше алмады, бірақ ТЖД қызметкерлері оған көмектесті
Ұлан ауданы Қасым Қайсенов кентіндегі құтқарушылар саусағы ісіп кеткен әйелге көмекке келді, деп хабарлайды Устинка LIVE тілшісі.
ШҚО ТЖД Жедел-құтқару жасағының қызметкерлері арнайы құралдың көмегімен сақинаны қиып беріп, іскен саусағына көмектескен.
Шемонаиха ауданында әйел үйден шыға бергенде есікшарт жабылады, ал пәтердің ішінде екі баласы қалып қояды. Үй иесі құтқарушылардан көмек сұрады. Оқиға орнына келгеннен кейін 28-ӨСБ қызметкерлері шабуыл сатысының көмегімен үшінші қабатқа көтерілді, балкон арқылы пәтерге кіріп, ішінен кіру есігін ашты.
Өткен демалыс күндері құтқарушылар авариялық-құтқару операцияларын жүргізу кезінде сегіз есікті ашты. Шығыс Қазақстан облысы ТЖД бөлімшелерінің тұрғын үйге қол жеткізуін қамтамасыз ету бойынша жұмыстар апта сайын жүргізіледі.
ТЖД бөлімшелері адам өміріне қауіп төнген кезде ғана есіктерді күшпен ашады, себебі бұл кезде әр минут құнды. Өмірге қауіп төндіретін нәрселерге - пәтердің ішінде есікті өз бетінше аша алмайтын адамдардың (кішкентай бала, қарт адам, мүгедек және т.б.) болуы. Сондай-ақ, қосулы қалған электр жабдықтары, газ қондырғылары, жылыту құралдары, өрт немесе жарылыстың себебі болуы мүмкін барлық құралдардың қосылып қалуы, - деп атап өтті ШҚО ТЖД "ӨСжАҚЖҚ" ММ бастығының орынбасары Болат Нұрдыбаев.
Төтенше жағдай кезінде 112 нөміріне хабарласыңыз.
