Өскемен мен ШҚО Бозанбай ауылы Наурыз мерекесін дүркіретіп өткізбек
Ұландықтар 20 наурыз күні Бозанбай ауылында Наурыз мерекесін ерекше салтанатпен атап өтеді
Ауыл тұрғындары мен қонақтар үшін ұлттық спорт ойындары мен мәдени іс-шаралар ұйымдастырылады, деп хабарлайды Устинка LIVE тілшісі.
Наурыз мерекесі – халқымыздың ұлттық құндылықтарын, салт-дәстүрлерін ұлықтайтын, қоғамды біріктіретін үлкен шара.
Киіз үйлер құрылып, ақ дастархан жайылып, ұлттық тағамдар жәрмеңкесі ұйымдастырылады, наурыз көже таратылады. Қыдыр ата бастаған түйелі керуен, ұлттық киім киген ауыл тұрғындары мен ұжымдар, жылқылы жастар көшенің басынан орталық алаңға дейін шеру жасайды. Ауылдық округ мекемелерінің шығармашылық ұжымдары концерттік бағдарламалар дайындайды. Сондай-ақ ешкі көтеру, қой көтеру, арқан тарту, қол күрес, гір көтеру, тай көтеру, аударыспақ сынды ұлттық ойындардан жарыс өтеді, - деп мәлімдеді Ұлан ауданының ішкі саясат бөлімі.