Өскемен мен ШҚО Ұлан ауданындағы Батырлар аллеясы абаттандырылады
Ұлан ауданында Ұлы жеңістің 80 жылдығына орай жаңа мұражай ашылмақ
Сондай-ақ, аудан орталығында Қасым Қайсеновке арналған мурал пайда болады, деп хабарлайды Устинка LIVE тілшісі.
Ұлы Отан соғысындағы Жеңістің 80 жылдығына орай Ұлан ауданының орталығында №9 үйдің қасбетінде Халық қаһарманы Қасым Қайсеновтің суреті салынады. Бұл мурал ауылдың мәдени жаңғыруының символына айналады.
Сондай-ақ, мерейтой қарсаңында Батырлар аллеясы мен ескерткіш стелланы қайта жөндеу, тас төсеніштерді ауыстыру, гүлзарлар мен қоршаулар орнату жоспарланып отыр.
Айта кеткен жөн, Украинка ауылында Ұлы Жеңістің 80 жылдығына орай жаңа мұражай ашу көзделуде.
ШҚО әкімі Нұрымбет Сақтағанов атап өткендей, мұражай өңірдің мәдени мұрасын толықтырып, өткен күндердің ерліктері жайлы естеліктерді сақтауға септігін тигізеді.