Өскемен мен ШҚО "Секисовка-Быструха" автожолында оқыс жол апаты болды
Көлік ішіндегі адам құтқарушылардың көмегімен шығарылды
Ауа райының қолайсыздығынан Глубокое ауданында ауыр жол-көлік оқиғасы орын алды, деп хабарлайды Устинка LIVE тілшісі ШҚО ТЖД ақпаратына сүйеніп.
Кейбіреулер ШҚО ТЖД құтқарушылары мен полиция қызметкерлерінің ескертулерін ескермей жолға шығып жатыр. Сондай-ақ, қатты жел соғып, борап тұрғанда жолға шыққанымен қоймай, жол ережелерін де сақтамайды.
Мәселен, бүгін Глубокое ауданында "Секисовка-Быструха" автожолында жол-көлік оқиғасы орын алды. Көліктегі адамды шығаруға ШҚО ТЖД құтқарушыларының көмегі қажет болды. Олар гидравликалық құралдың көмегімен "Камри" автокөлігінің шанағының бөлшектерін ашып, жәбірленушіні абайлап шығарып алып, жедел жәрдем қызметкерлеріне табыстады.
ШҚО ТЖД "Қазгидромет" ақпараты бойынша өңірде 9-10 ақпанда дауылды ескерту - жаңбыр, қар, боран, көктайғақ, қатты жел соғатынын еске салады.
Жол жағдайын "Дармен" тегін мобильді қосымшасынан арқылы нақтылауға болады. Сондай-ақ, республикалық маңызы бар жолдардың жай-күйі туралы 26-28-08, облыстық жолдар туралы 57-42-52 телефондары арқылы нақтылауға болады.
