Өскемен мен ШҚО ШҚО-да дауылды ескерту жарияланды
Ертең облыстың басым өңірінде қолайсыз ауа райы сақталады
"Қазгидрометтің" ақпараты бойынша, 10 ақпанда облыстың батысында, солтүстігінде, шығысында кей уақыттарда қатты жауын-шашын (жаңбыр, қар), бұрқасын, көктайғақ күтіледі, деп хабарлайды Устинка LIVE тілшісі.
Жел оңтүстік-шығыстан, оңтүстіктен соғады, облыстың батысында, солтүстігінде, шығысында 15-20, екпіні 23-28 м/с.
Өскемен қаласында таңертең және күндіз бұрқасын, көктайғақ күтіледі. Жел оңтүстік-шығыстан, оңтүстіктен соғады, екпіні 17-22 м/с.
Осыған байланысты халық бұл күндері алыс жолға шығуды шектегені жөн. Жол жағдайын "Дармен" мобильді қосымшасынан біліге болады. Сондай-ақ, республикалық маңызы бар жолдардың жай-күйін 26-28-08, облыстық жолдарды 57-42-52 телефондары арқылы нақтылауға болады.
Төтенше жағдайлар туындаған кезде "112" телефонына хабарласуға болатынын еске саламыз.
