Өскемен мен ШҚО Предгорное ауылынан 3 тонна қатты тұрмыстық қалдық шығарылды
"Таза Қазақстан" экологиялық бағдарламасы аясында Глубокое ауданының Предгорное ауылында эко-тазалық жұмыстары ұйымдастырылды
Ауыл тұрғындары, жастар, эко-белсенділер, кәсіпорындар мен мекемелердің қызметкерлері қоғамдық орындар мен аула аумақтарынан 3 тонна қатты тұрмыстық қалдықтарды шығарды, деп хабарлайды Устинка LIVE тілшісі.
Экологиялық бағдарлама аясында балалар алаңдары мен бордюрлер сырланып, бұталар кесіліп, Ертіс өзенінің жағалауы тазартылды.
Ауылды қоқыстан тазарту үшін тұрғындармен жиі жиналуымыз керек. Қоқысты қалай болса солай тастауға болмайтынын барлығы бірдей түсіне бермейді. Қазір бізде тазалық мәдениетін қалыптастыратын бағдарлама бар екеніне қуаныштымын, - дейді Предгорное ауылының тұрғыны Юлия Ершова.
Айта кетейік, бұл Глубокое ауданында ұйымдастырылған алғашқы ауқымды эко-тазалау акциясы емес. Мәселен, қыркүйек айында Глубокое кентінде орталық саябақтың аумағы мен Ұлы Отан соғысының батыры В.Г. Казаченко көшесі тазаланды. Полигонға екі тонна қоқыс шығарылды. Белоусовка кентінде "Шахтер" саябағында және спорт алаңдарында сенбілік өткізілді. Барлығы үш тонна қоқыс пен құрғақ бұтақтар шығарылды.
Бүгінгі таңда "Таза Қазақстан" бағдарламасы бойынша 204 саябақ пен скверді, 323 тарихи-мәдени ескерткіштер мен 859 әлеуметтік нысанды тазарту жұмыстары жүргізілді. 7,0 мың су нысаны, 26 субұрқақ, 370 шақырым арық тазартылды. Елді мекендердің 82 мың аула аумағынан 29 мың тонна қоқыс шығарылды. Облыстың елді мекендері мен орман қорында 75 мыңнан астам көшет отырғызылды.
Бұдан басқа, халықтан өтінімдерді пысықтау бойынша қолжетімді платформаны қамтамасыз ету мақсатында ағымдағы жылдың 5 шілдесінен бастап "TazaQazBot" телеграмм боты іске қосылды. Осылайша, "Таза Қазақстан" акциясы басталғаннан бері полиция департаменті абаттандыру ережелеріне қатысты 5 967 бұзушылықты анықтап, 25,9 млн теңгеге әкімшілік айыппұл салды.
