Өскемен мен ШҚО "ҚазАвтоЖолдың" ШҚО-дағы филиал басшылығы бюджет қаражатын жымқырған
Бюджет қаражатын жымқыру фактісін "ҚазАвтоЖол" ұлттық компаниясының жемқорлыққа қарсы қызметі анықтады
ҚР Қылмыстық Кодексінің 189-бабы бойынша іс қозғалды, деп деп хабарлайды Устинка LIVE тілшісі.
"ҚазАвтоЖол" ҰК" АҚ-ның Сыбайлас жесқорлыққа қарсы комплаенс-қызметі мен Қауіпсіздік қызметі тексеріс жұмыстары барысында "КАЖСервис" ЖШС-ның Шығыс Қазақстан облыстық филиалының басшылығына қатысты бюджет қаражатын жымқыру фактісін анықтады, - деп мәлімдеді ведомствоның баспасөз қызметі. - Тексеріс материалдары Шығыс Қазақстан облысы бойынша сыбайлас жемқорлыққа қарсы іс-қимыл қызметіне жолданды. 2024 жылғы 30 қыркүйекте тексеріс жұмыстарының нәтижесі бойынша ҚР Қылмыстық Кодексінің 189-бабының 3-б. 1-т. сәйкес қылмыстық іс қозғалды.
Айта кетейік, Қоғамның сыбайлас жемқорлыққа қарсы комплаенс-қызметі тұрақты түрде жемқорлықпен күресу бойынша шараларды ұйымдастырып, компания ішінде ашық әрі адал ортаны құру мақсатында түрлі жұмыстарды атқарып, мемлекеттік органдар мен мекеме арасында өзара байланысты дамытуда.