Өскемен мен ШҚО Тарбағатайда тұңғыш рет мал союдан жарыс өтті
Ауыл шаруашылығы күніне орай Тарбағатай ауданында алғаш рет мал союдан жарыс ұйымдастырылды
Осылайша аудан тұрғындары ата-бабамыздан қалған жіліктеу, табақ тарту дәстүрін жаңғыртып, ұлттық құндылықтарымызды ұлықтады.
Мал сою – қазақ тұрмысындағы ерекше өнер. Әр жіліктің өз орны, өз сыбағасы бар. Сойылған малды дұрыс жіліктей білу – қазақтың салт-дәстүрін, мәдениетін, үлкенге құрмет, кішіге ізет ұстанымын көрсетеді.
Жарысқа ауданның бірнеше ауылдық округтері қатысып, өз шеберліктерін көрсетті:
- 1-орын – Құйған ауылдық округі
- 2-орын – Жаңаауыл ауылдық округі
- 3-орын – Маңырақ ауылдық округі
- 4-орын – Жетіарал ауылдық округі
Осы игі бастама арқылы ауданымызда ұлттық дәстүрімізді дәріптеу, жастарға үйрету, ұмыт бола бастаған табақ тарту әдебін жаңғырту көзделіп отыр, - дейді аудан әкімдігіндегілер. - Алдағы уақытта бұл жарыс ауқымын кеңейтіп, аудандық деңгейден өңірлік дәстүрлі шараға айналарына сенім мол.