Өскемендіктер «Жер уақыты» акциясына қатыспайды

Өткен жылы қала басшылары бірнеше ғимараттың көмексі жарықтарын өшірсе, көптеген кәсіпорындар мен мекемелер де халықаралық экологиялық акцияны қолдау үшін жарықтарын бір сағатқа сөндірді.

Биыл «Жер уақыты» акциясы сайлау науқанына келіп түсті. Сондықтан акцияға ресми түрде қатысу жоспарда жоқ. Бұл туралы ішкі саясат бөлімінің мамандары хабарлап отыр. Алайда, қала тұрғындары өз еріктерімен сағат 20.30-21.30 аралығында тұрмыстық техникасы мен жарықты энергия көзінен ажырату арқылы акцияға ат салыса алады.

«Жер уақыты» акциясы 2007 жылдан бері жабайы табиғат қорының бастамасымен өткізіліп келеді. Өткен жылы бұл акцияға 172 елден 2 млрд адам қатысты.