Самар ауылында жанып жатқан үй ішінен үш бала құтқарылды
Бүгін Самар ауылындағы Болғамбаев көшесіндегі жер үйдің шатыры өртке оранған
![Усть-Каменогорск и ВКО / Самар ауылында жанып жатқан үй ішінен үш бала құтқарылды Усть-Каменогорск и ВКО / Самар ауылында жанып жатқан үй ішінен үш бала құтқарылды](/upload/iblock/6cb/95nbttjywlmohjaz00mswzjl033d652w/imgonline_com_ua_Resize_D9XEsp8yaxZ.jpg)
Оны өтіп бара жатқан Марат Нұрғалиев байқап қалып, үй ішіндегілерге көмекке ұмтылған, деп хабарлайды Устинка LIVE тілшісі ШҚО ТЖД ақпаратына сүйеніп.
Ол дереу үйдің есігін қаға бастайды. Белгілі болғандай, үй 3 бала ұйықтап жатқан. 2013 жылғы бала дүрсілді естіп, үй ішінен шығып үлгерген. Бірақ оның әпкелері үйде қалған. Осы кезде оқиға орнына Аудан ТЖБ бастығының міндетін атқарушы Данияр Бәкірғалов пен №32 ӨСБ жүргізушісі Садық Айбек келіп, 2011 және 2021 жыл5ы қыздарды терезе арқылы алып шыққан, - деп хабарлады ШҚО ТЖД.
Балалар зардап шеккен жоқ, медициналық көмекке мұқтаж емес.
Өрт сөндірушілер 80 шаршы метр аумақты шарпыған жалынды жойды.
Алдын ала болжам бойынша, өрт электр жабдықтарын монтаждау және пайдалану кезінде өрт қауіпсіздігі талаптарын сақтамау салдарынан шығуы мүмкін.