Париж Олимпиадасына ШҚО-дан 10 спортшы қатысады

Шығыс Қазақстан облысының спортшылары Олимпиада ойындарына қатысуға 10 лицензия ұтып алды, деп хабарлайды Устинка LIVE тілшісі.

Бүгінде қазақстандық спортшылар Олимпиадаға іріктеу турнирлерін толық аяқтады.

Шығыс Қазақстан облысы Астана, Алматы және Шымкент мегаполистерінен кейін республика бойынша көшбасшылардың бестігіне кірді.

Естеріңізге сала кетейік, Франция астанасы Париж қаласында өтетін XXXIII жазғы Олимпиада ойындары 26 шілде мен 11 тамыз аралығында өтеді. Ойындарға әлемнің 205 елінен 10 500 спортшы қатысады деп жоспарланған. Онда 32 спорт түрінен 329 медаль жиынтығы сарапқа салынады.

Қазақстан спортшылары бүгінгі күнге дейін 25 спорт түрінен 80 лицензия жеңіп алды.