Өскемен мен ШҚО Самар ауданындағы бірнеше ауылда суға түсуге қауіпті орындар бар
Самар ауданындағы ТЖБ қызметкерлері Бұқтырма су қоймасының жағалауында рейд жүргізді
Халыққа судағы қауіпсіздік ережелерін ескертіп, нұсқаулықтар таратты, деп хабарлайды Устинка LIVE тілшісі.
Аудан аумағында орналасқан Бұқтырма су қоймасының жағалауында суға түсуге қауіпті аймақтар бар. Олар Сарыбел ауылының жоғарғы жағындағы иесі жоқ су айдау станциясының маңындағы ұзындығы 200 метр жағалау, Новостройка ауылының шетінде орналасқан бұрынғы астық қабылдау пунктінің пирсінің маңындағы ұзындығы 200 метр жағалау, Казнаковка өткеліндегі бұрынғы паром тоқтайтын орынның маңындағы ұзындығы 200 метр жағалау және Самар ауылындағы Лайлы су қоймасының жағалауы жатады. Осы жерлерде су өте терең, су түбінде адамның өміріне қауіп төндіретін металл, бетон конструкциялары бар, - деп ескертті Самар аудандық төтенше жағдайлар бөлімінің амамандары.
Рейдтік жұмыстар суға шомылуға қауіпті аумақтарда күнделікті жүргізілуде.