Өскемен мен ШҚО 
Өскеменде жаңа бағытта қатынайтын 17А автобусы пайда болды
17А-ның бағытында қатынайтын автобус әдеттегідей Жібек маталар комбинатына қарай жол тартады. Алайда ол 17 сияқты Карла Маркса көшесімен емес Өтепов көшесі арқылы жүреді.
Фото:
Елена Казаковцева
Енді тұрғындар 17А автобусымен Қан орталығына, облыстық сотқа, әскери және көлік прокуратурасына жедел жете алады.
Қалалық жолаушыларды тасымалдау басқармасы орталығының хабарлауынша, 17А Сәтпаев көшесінен бұрылған соң Көкжал Барақ даңғылындағы 46-шы мектептің жанынан өтіп Уәлиев көшесіне аялдап, кейін қайта Сәтпаев даңғылына қарай қайтады. Жаңа бағыттың қосылғанына міне бір апта уақыт болды. Әйткенмен «біреу күлсе – біреу жылар» демекші аталмыш жаңалық барлық өскемендіктердің көңілінен шықпады.
- Бұрын №17 бағытты ұстанатын 12 автобус болған еді. Енді 17А бағыты пайда болған соң олардың саны 7-ге төмендеді. Осыған сәйкес автобустар арасындағы интервал өсіп отыр. Ал Карл Маркс даңғылында тұратын азаматтар 17-ші бағыттағы автобустардың санын қайта көбейтуді сұрауда. Бұл мәселе қаралу үстінде, - деді Жолаушыларды тасымалдау басқармасы орталығы басшысының орынбасары Ольга Графкина.
