Өскемен мен ШҚО Өскемен базарларындағы азық-түліктер зертханада тексеріледі
Қала тұрғындары «Өнім сапасы – денсаулық кепілі» акциясы аясында сатып алған өнімдерін тегін тексере алады
Фото:
finobzor.ru
Аталмыш шара тұтынушылардың құқықтарын қорғау мақсатында қалалық Тұтынушылардың құқықтарын қорғау басқармасы мен облыстық Ұлттық сараптама орталығының ұйымдастыруымен өтеді. ШҚО-дағы Тұтынушылардың құқықтарын қорғау департаменті бөлімінің бастығы Алена Кравченконың айтуы бойынша, сатып алушылар азық-түліктерін зертханалық әдістермен тексере алады.
Осы арқылы тұрғындар ет сапасының қаншалықты сарапталғандығын, сүт және сүт өнімдерінің қышқылдылығын, сатып алынған дайын өнімнің микробиологиялық көрсеткіштерін, жеміс-жидек пен көкөніс құрамындағы нитраттар мөлшерін, тіпті, шараптың табиғилығын анықтай алады.
Зерттеу жұмыстары наурыздың 19-ы күні орталық базарда, ал 20-сы күні "Арзан" толайым маркетінде сағат 10.00-ден 12.00-ге дейін өтеді.