Өскемен мен ШҚО ШҚО-да ақ амур балығын қолдан көбейтуде
Бұл үшін "Бұқтырма уылдырық шашу және өсіру шаруашылығы" ЖШС "Ғылым қоры" АҚ қолдауымен грант алған
Осылайша кәсіпорын ақ амур балықтарын қолдан көбейту, өсіру және сату ісін дөңгелетіп отыр, деп хабарлайды Устинка LIVE тілшісі.
Тоғандық балық шаруашылығына амурды енгізу оңай емес көрінеді. Өйткені қолдан көбейту қиын шаруа.
Біз әзірлеген шаралар нәтижесінде зауыттық әдіспен тоғанда амур балығын өсіру мәселесі сәтті шешіліп, өндіріске енгізілді, - дейді мамандар.
Осы орайда айта кетейік, "Балық шаруашылығы ғылыми-өндірістік орталығы" ЖШС мамандарына "Бұқтырма уылдырық шашу және өсіру шаруашылығы" ЖШС амурды қолдан көбейту ісінде ғылыми қолдау көрсетеді.
Коммерцияландыру жобасы аясында "БУӨШ" ЖШС-де біршама жаңару жұмыстары жасалған. Мәселен, балық өсіру цехі толықтай күрделі жөндеуден өтті, 13 мамандандырылған техника, арнайы киім, оргтехника, заманауи зертханалық жабдықтар сатып алынды. Сонымен қатар, жаңа жұмыс орны ашылып, жұмысшылар санын көбейтуге септігін тигізді.
Бүгінгі таңда кәсіпорын 30 жергілікті тұрғынды жұмыс орнымен қамтамасыз етіп отыр.