Өскемен мен ШҚО Өскеменге жаңа 10 үлкен автобус пен 5 шағын автобус жеткізілді
Облыс орталығындағы ең ірі жолаушы тасымалдаушы "Vosca" ЖШС өз бағыттарына жаңа автобустар шығармақ
Қалада қоғамдық көліктерді жаңарту жұмыстары жалғасуда, деп хабарлайды Устинка LIVE тілшісі.
Өскемен қаласының әкімі қаладағы қоғамдық көліктердің 30%-ы жаңартылғанын айтады. Алдағы уақытта да жолаушылар үшін ыңғайлы жаңа автобустар жеткізілмек.
Yutong маркалы 10 жаңа автобус келді. Олар алдағы уақытта №17 және №12 бағыттар бойынша қатынайтын болады, - дейді "Vosca" ЖШС автотізбек басшысы Данияр Мұхтаров. - Заманауи автобустар автомат жетекті, 26 отыратын орны бар, жалпы сыйымдылығы 80 адам. Сонымен қатар, жаңа 5 шағын автобус жеткізілді.
Алдағы аптада шағын автобустар Жаңа Ахмер мен ЖМК аудандарын байланыстыратын №255 бағыт бойынша,28-шағын ауданнан "Автобекетке" дейін қатынайтын №256 бағыт бойынша шығатын болады.
Жолаушыларға ыңғайлы жағдай жасап, автобустардың санын көбейту мақсатында 3-ші жыл қатарынан қоғамдық көліктерді жаңарту жұмыстары белсенді жүргізілуде, - дейді Өскемен қаласының әкімі Жақсылық Омар. - Облыстық әкімдіктің қолдауымен субсидия алған жолаушы тасымалдайтын компаниялардың автопаркі біртіндеп жаңарып, жұмысы жақсарып келеді.
Жаңа автобустар жеткізіліп жатқанымен, жүргузішілер жетіспеушілігі мәселесі әлі де шешімін таппай отыр.
Автопаркте жүргізушілер 30%-дай жеткіліксіз. Жүргізушілер үстеме жұмыс алуға мәжбүр. Жаңа, ыңғайлы автобустар жеткізіліп жатқандықтан, жаңа жүргізушілер де жұмысқа келер деген үміттеміз. Автопарк жүргізушілерінің айлығы орта есеппен 350 мың теңге. Жалақыны көтеріп жатырмыз, - дейді "Vosca" ЖШС автотізбек басшысы Данияр Мұхтаров.
