Өскемен мен ШҚО Өскеменнен Алакөлге дейін пойыз жүреді
"Өскемен-1 - Жалаңашкөл – Достық" жолаушылар пойызы жазғы маусымда қатынайтын болады
Пойыз 1 маусым мен 31 тамыз аралығында күн аралатын жүреді, деп хабарлайды Устинка LIVE тілшісі.
ШҚО жолаушы көлігі және автомобиль жолдары басқармасы № 459/460 "Өскемен-1 - Жалаңашкөл – Достық" жолаушылар пойызы жүре бастайтынын мәлімдеді
Шығыс Қазақстан облысының тұрғындарына Алакөлге баруға ыңғайлы болуы үшін 1 маусым мен 31 тамыз аралығында № 459/460 "Өскемен-1 - Жалаңашкөл - Достық" жолаушылар пойызы қатынайтын болады, - деп хабарлады басқармадағылар. - Купе вагонына билет құны 6 953 теңге, плацкарт вагонына 4 776 теңгені құрайды. Билеттер ресми сатылым нүктелерінде, сондай-ақ "ҚТЖ" ҰК" АҚ сайтында қолжетімді - www.bilet.railways.kz.
Уақыты:
Өскемен-1 теміржол вокзалынан жөнелту тақ сандар күні сағат 15.55-те, Жалаңашкөл станциясына келесі күні сағат 09.40-та жетеді.
Жалаңашкөл станциясынан жөнелту жұп сандар күні сағат 14.56-да, Өскемен-1 теміржол вокзалына келесі күні сағат 09.10-да жетеді.