ШҚО тұрғындарына заңгерлер тегін көмек көрсетеді

Акцияның мақсаты – тұрғындарға тегін заң көмегін көрсету, халықтың заңгерлік сауаттылығын арттыру, деп хабарлайды Устинка LIVE тілшісі.

"Халық заңгері" республикалық акциясы аясында заң қызметкерлері 30 мамырда сағат 17.00-ден 19.00-ге дейін қабылдайды.

Өскемен қаласында 2 мекенжай бойынша өтеді:

• С. Аманжолов ат. Шығыс Қазақстан университетінің корпусы, Қазақстан көшесі 55
• "Өскемен қаласының жұмыспен қамту және әлеуметтік бағдарламалар бөлімі" ММ, Шәкәрім даңғылы 149/10

Тұрғындар сот, құқық қорғау, қадағалау органдарының қызметкерлері, адвокаттар, сот орындаушылары, нотариустар және облыс әкімдігінің, қала/аудан әкімдігі бөлімдерінің өкілдерінен кеңес ала алады.

2016-2023 жылдар аралығында акцияға 8000-нан астам үздік сарапшылар мен шешім қабылдайтын мемлекеттік органдардың өкілдері қатысты. Құқықтық көмекке жүгінген 165 000-нан астам адам кеңес алды.