Өскемен мен ШҚО Танысынан 115 млн теңге алып, қайтармаған
Өскемен қаласының тұрғыны бизнес бастағысы келіп, танысынан қомақты қаржы алған
Қарызды 2020 жылы алған ол әлі күнге қайтармаған, деп хабарлайды Устинка LIVE тілшісі.
Күдікті осыған ұқсас қылмыс жасағаны үшін қазіргі таңда жазасын өтеп жатқаны анықталды. Ол бұған дейін де істі болған көрінеді.
Ер адам әртүрлі бизнес түрлерімен айналысқысы келетінін, яғни қайта сату үшін автомобильдер сатып алу, металл өндіру үшін экскаватор сатып алу, азық-түлік жеткізетін фирманы, оны пайдалану үшін қымбат шетелдік машинаны сатып алатынын айтып, шебер айла-шарғы жасап, жаңылыстырып, осының бәрі үшін жәбірленушіден 115 млн теңге ақша алғаны белгілі болды, - деп хабарлады ШҚО ПД. - Сонымен қатар, ол оған әйгілі брендтердің көшірмелерін сатуға көмектесуге уәде берген, бірақ оларды иемденіп алып, қайтармаған.
Қазіргі уақытта залалдың жалпы сомасы 114 миллион теңгеден асады.
Полицейлер алаяқтық фактісі бойынша қылмыстық іс қозғады. Күдікті анықталды. Ол бұрын сотталған және қазір осыған ұқсас қылмыс жасағаны үшін қылмыстық жазасын өтеп жатқан 39 жастағы Өскемен қаласының тұрғыны болып шықты.
Қазіргі уақытта полиция қызметкерлері тергеу шараларын жалғастыруда.