Өскемен мен ШҚО ШҚО тұрғыны синтетикалық есірткіні интернет арқылы сатқан
ШҚО-да полицейлері Өскемен қаласының тұрғынынан 100 грамм меф тәркіледі
Ол синтетикалық құралдарды мессенджерлердің көмегімен сатқан, деп хабарлайды Устинка LIVE тілшісі.
Жедел уәкілдер есірткі заттарын аса ірі мөлшерде таратты деген күдікпен Өскемен қаласының 35 жастағы тұрғынын ұстаған.
Тәртіп сақшылары одан түрлі-түсті скотчпен оралған, ұнтақ пен түйіршік түріндегі зат салынған, "100г меф" деген жазуы бар мөлдір зип пакетті тәркілеген, - деп хабарлады ШҚО ПД. - Сонымен қатар, полицейлер күдіктінің үйінен "тауарды" орау үшін пайдаланатын пакеттер, фольга орамдарын, электронды таразылар мен жабысқақ таспа тапқан.
Сараптама нәтижелері бойынша тәркіленген зат "мефедрон" психотроптық заты екені белгілі болды. 100 грамм мефедрон – 330 бір реттік доза.
Осы факті бойынша қылмыстық іс қозғалды. Есірткі таратушы соттың санкциясынан қамауға алынды.
Тергеу әрекеттері жүргізілуде.