Қазақстан Қазақстанда ҰБТ басталды
Бүгін Қазақстанда негізгі ұлттық бірыңғай тестілеудің алғашқы күні
Еліміздің 14 аймағында негізгі ҰБТ басталды. Ал су тасқыны болған өңірлерде ҰБТ 25 мамырда басталады, деп хабарлайды Устинка LIVE тілшісі ОКҚ ақпаратына сүйеніп.
Биыл талапкерлер негізгі ҰБТ-ны екі рет тапсырады. Қазіргі таңда 330 мыңға жуық өтініш қабылданды. 181 мың талапкер тестілеуге қатысуға ниет білдірген, - деді ҚР Ғылым және жоғары білім министрлігі Ұлттық тестілеу орталығының директоры Болатбек Абдрасилов.
ҰБТ жылына 5 рет өткізіледі: үш рет – ақылы негізде. Ал негізгі ҰБТ негізінде талапкерлер гранттар беру конкурсына қатысу мүмкіндігіне ие болады.
Талапкерлер үш міндетті және екі таңдау бойынша екі пәннен тест тапсырады. ҰБТ тапсырмалар саны өзгеріссіз қалады, жалпы 120 сұрақ, оған 4 сағат беріледі.
Комбинацияларға келетін болсақ, қазіргі таңда талапкерлердің 16%-ы "Математика-Физика", 16%-дан астамы "Биология-Химия", 13%-ы "Шығармашылық", 11%-ы "Математика-Информатика" пәндерін таңдады. Соңғы бірнеше жылда алғаш рет талапкерлер ең көп таңдайтын бейіндік пәндер комбинациясы өзгерді - "Биология-Химия", - деді Болатбек Абдрасилов.
Тестердің мазмұны бойынша апеляциялар саны төмендеді.
Қазіргі уақытта тестерді психометриялық, сенімділігі жағынан жаңа форматта өткізу, мультимедиаларды қосу бағыттарында орталық жұмыс істеп жатыр. Бұл тесттердің сапасына жақсы әсер береді, - деді спикер.