Өскемен мен ШҚО ШҚО-да су тасқынының алдын алу шаралары жүріп жатыр
Облыс бойныша су айдындары мен өзендердегі су деңгейі қауіпті деңгейден төмен
Өңірдегі өзендерде 17 мұз жару жұмыстары жүргізілді, деп хабарлайды Устинка LIVE тілшісі ШҚО ТЖД ақпаратына сүйеніп.
Қалалар мен аудандардың әкімдіктері су тасқынына дайындық барысында ұзындығы 135 км 72 канал, ұзындығы 376 км 448 арық, автожолдарда1735 су өткізу құбыры, темір жолдарда 90, 277 көпір тазарту жұмысын жүргізген, - деп хабарлады ШҚО ТЖД. - Сондай-ақ, 369 мың текше метр қар шығарылды. Республикалық маңызы бар автомобиль жолдарында 334 су өткізу құрылыстары, 85 көпір, облыстық маңызы бар автомобиль жолдарында 1588 су өткізу құрылыстары, 85 көпір тазартылды.
Алтай ауданы мен Күршім ауданы бойынша тасқынмен күрес жұмыстарына Қазақстан Республикасы ТЖМ №68303 әскери бөлімінің әскери қызметшілері жұмылдырылды.
Төтенше жағдай туындай қалса, жергілікті атқарушы органдар мен азаматтық қорғау қызметтері құралымдарының күштері мен құралдары сақадай сай тұр: 2270 адам 732 бірлік техника, 61 жүзу құралы және 234 бірлік мотопомпалар, сондай-ақ қосымша ҚР ҚМ, ҚР ҰҰ әскери бөлімдерінің, Шекара қызметі департаментінің және полиция департаментінің қызметкерлерінен 1379 адам және 55 бірлік техника.
