Өскемен мен ШҚО ШҚО-да күн жылынғалы 58 адамды кене шаққан
Медициналық көмекке жүгінген 58 адамның жартысына жуығы 14 жасқа дейінгі балалар
Кене шаққандардың 56-сы кене энцефалитіне қарсы иммуноглобулин алған, деп хабарлайды Устинка LIVE тілшісі ШҚО СЭБД ақпаратына сүйеніп.
Екі адам эндемиялық аумаққа жатпайтын елді мекенде кене шағуына байланысты серопрофилактикамен қамтылмаған.
Ағымдағы кезеңде облыс аумағында кене инфекцияларымен ауыру жағдайлары тіркелген жоқ. Көп жылдық эпидемиологиялық талдау нәтижелері көрсеткендей ШҚО-да аурудың алғашқы жағдайлары мамыр айынан бастап тіркеледі, - деп хабарлады ШҚО СЭБД. - Қазіргі уақытта эндемиялық аумақтардың медициналық ұйымдарында кене шағудан зардап шеккен адамдарға аурудың алдын алу мақсатында қолданылатын кене энцефалитіне қарсы иммуноглобулин препаратының қоры жеткілікті мөлшерде бар.
Шығыс Қазақстан облысы бойынша кене энцефалитінің табиғи ошағы - Глубокое, Зайсан, Алтай, Катонқарағай, Самар, Ұлан, Шемонаиха аудандары мен Риддер, Өскемен қалаларының маңайлары екенін айта кеткен жөн.
