Өскемен мен ШҚО ШҚО мектеп асханаларында балалардың нанын "жеген"
ШҚО Білім басқармасы басшысының орынбасары мен басқа да 6 лауазымды тұлға осы үшін жауапқа тартылды
Бұл туралы ШҚО Прокуратурасы мәлімдеді, деп хабарлайды Устинка LIVE тілшісі.
Облыс прокуратурасы аз қамтылған отбасылардан шыққан 9 501 баланың, сондай-ақ 11 бизнес субъектісінің құқықтарын қорғады.
Талдау барысында мектеп асханаларында халықтың әлеуметтік осал топтарына жататын (әлеуметтік көмек алатын, жетім, толық емес отбасылардан шыққан, ата-анасының қамқорлығынсыз қалған және т.б.) және мемлекет есебінен тамақтанатын оқушыларға нормадан (11-18 жас аралығындағы оқушылар 7-10 жастағы балалардың нормаларымен тамақтандырылған) аз тамақ беріліп келгені анықталды, - деп хабарлайды ШҚО Прокуратурасының баспасөз қызметі.
Мысалы, 11-14 жас аралығындағы оқушыға арналған нанның нормасы күніне 35 грамм, ал 15-18 жас аралығындағы балаларға күніне 40 грамм берілуі тиіс. Бірақ мектеп асханаларында іс жүзінде балаларға нормадан 2 есе аз, яғни, күніне 20 грамм (6-10 жас нормасымен) нан берілген.
Сонымен қатар, мектеп асханаларында тамақтандыру бойынша қызмет көрсететін 11 кәсіпкерден төлем кезінде қосылған құн салығын заңсыз алып отырған (620 теңгенің орнына 1 оқушы/күн, яғни ҚҚС есебімен 553 теңгеден төленген), - делінген хабарламада. - Прокурорлық қадағалау актісі бойынша ШҚО білім басқармасының 7 лауазымды тұлғасы, оның ішінде, басшының орынбасары (осы бағытқа жетекшілік ететін) қатаң тәртіптік жауапкершілікке тартылды.
Білім басқармасы өңірдің 9 501 оқушысының тамақтану нормаларын ұлғайтып, 11 кәсіпкерге заңсыз ұсталған сомасын өтеу үшін қайта есептеу жүргізуде.
