Өскемен мен ШҚО Шемонаиха шипажайында ерекше балалар ем алды
Ерекше қажеттіліктері бар жиырмадан астам бала шипажайда ем-дом қабылдады
Выдриха ауылындағы "Уба" шипажайына облыстың әр өңірінен ерекше қажеттіліктері бар балалар жиналды, деп хабарлайды Устинка LIVE тілшісі.
ШҚО әкімі Ермек Көшербаевтың тапсырмасымен өңірдегі шипажайларда ерекше қажеттіліктері бар балаларды оңалту курстарынан өткізу бойынша пилоттық жоба қолға алынған. Ең алғашқы болып балаларды Алтай ауданындағы Грехово ауылындағы мамандандырылған орталық қабылдаған болатын.
Ал ақпан айының соңында тірек-қимыл аппараты бұзылған, психоневрологиялық аурулары бар балалар мен олардың туыстары алғаш рет демалуға және денсаулығын жақсартуға келген «Уба» шипажайына келген. Мамандар балаларға қажетті жағдайдың барлығын жасады. Әр бала үшін жеке ем-дом бағдарламасы әзірленіп, тамақтану жүйесі ойластырылды.
Алғыс айту күніне орай шипажай ұжымы мен аудандық мәдениет үйінің әртістері қонақтарға арнап мерекелік концерт ұйымдастырды. Шемонаиха ауданының әкімі Григорий Акулов әр балаға естелік сыйлықтарын табыстады.
