Өскемен мен ШҚО ШҚО драма театрының актерлері қазақ күресінен дүбірлі додаға аттанады
28 ақпан күні Астана қаласында Қазақстанның театр майталмандарының арасында қазақ күресінен турнир өтеді
"Театр барысы" 2-ші республикалық турнирі Халықаралық театр күніне арналады, деп хабарлайды Устинка LIVE тілшісі.
Турнирде шығыстың намысын Арыстанбек Мұқият, Думан Дулатұлы, Жандос Салбанов қорғайтын болады.
Жобаның басты мақсаты - елімізде мемлекеттік және мемлекеттік емес алпыстан астам театрлардың арасында ұлттық спортты дамытып, қазақ күресін кеңінен насихаттау. Сонымен қатар, өңірлердегі театр актерлерінің бір-бірімен өнердегі шығармашылығын нығайту. Жастарымыздың талантты да мықты екенін көрсету мақсатында өтетін бұл турнирді жыл сайынғы дәстүрге айналдыру бар жоспарда.
Турнир 28 ақпан күні сағат 14.00-де Ж. Үшкемпіров атындағы жекпе-жек сарайында өтеді.
