ШҚО тұрғындарының әзірге тауға шықпағаны жөн

Құтқарушылар алдағы үш күнде тауға шықпай, қауіпсіздік шараларын сақтауды ескертеді, деп хабарлайды Устинка LIVE тілшісі.

"Қазселденқорғау" ММ "ШҚАПБ" филиалының ақпараты бойынша, қолайсыз метеожағдайларға байланысты 2024 жылдың 23 ақпанынан 2024 жылдың 26 ақпаны аралығында облыстың таулы аудандарында қар көшкіні жүру қаупі бар.

ШҚО ТЖД мамандарының ұсынысы бойынша, бұл уақытта тауға барудан бас тартқан дұрыс. Көшкін қаупі бар ошақтар автомобиль жолдарына қауіп төндіреді, тау арасынан өтіп бара жатқанда тоқтамаңыз, қауіпті аймақтан тез шығыңыз.

Егер сіз төтенше жағдайға тап болсаңыз және сізге өрт сөндірушілердің немесе құтқарушылардың көмегі қажет болса, барлық жедел қызметтерді шақыру үшін ұялы телефоннан "112" бірыңғай нөміріне қоңырау шалу қажет.