Өскемен мен ШҚО ШҚО тұрғыны 130 келіден астам заңсыз рипусты тасымалдаған
Полицейлер құқық бұзушыны "Браконьер" ЖПІШ барысында анықтады
Фото:
ШҚО ПД
Балық ресурстарын заңсыз тасымалдаған Renault Sandero автокөлігінің жүргізушісі патрульдеу кезінде Самар ауылына кіретін жолда ұсталған.
Ер адамның көлігінен полиция қызметкерлері жалпы салмағы 134 келі болатын 7 қап рипус балығын тапты. Сондай-ақ, жүргізушіде рұқсат құжаттары болмағаны анықталды. Заңсыз аулаудан келтірілген шығын 900 000 теңгені құрайды.
Балық ресурстарын заңсыз аулау фактісі бойынша сотқа дейінгі тергеу басталды.
Айта кетейік, "Браконьер" жедел-профилактикалық іс-шарасы 29 ақпанға дейін жалғасады.