Өскемен мен ШҚО Қос азаматтығы бар Глубокое ауданы тұрғындары елден шығарылды
Олар 2022 жылы Ресей азаматтығын алып, ол туралы елдегі тиісті органдарға хабарламаған
Ерлі-зайыптылар әкімшілік жауапқа тартылды, деп хабарлайды Polisia.kz.
Глубокое ауданы полиция бөлімінің қызметкерлері Қазақстан азаматтығы туралы заңнаманы бұзған ерлі-зайыптыларды анықтады.
Тәртіп сақшылары отбасының 2022 жылдың тамыз айында Ресей азаматтығын алып, ішкі істер органдарына немесе Қазақстанның шетелдік мекемелеріне хабарламағанын анықтаған. Полицейлер ресейліктерден ҚР азаматының жеке куәлігі мен паспортын тәркілеп, Қазақстан азаматтығынан айырды, - делінген хабарламада.
Ерлі-зайыптыларға қатысты ҚР ӘҚБтК-ның 496-бабы 2-бөлігі (ҚР заңнамасында белгіленген мерзімде шетел азаматтығын алу фактісін хабарламау) бойынша әкімшілік материалдар толтырылды. Глубокое аудандық сотының қаулысымен заң бұзушылар Қазақстан Республикасынан шығару түріндегі жауапкершілікке тартылды.
