Өскемен мен ШҚО ШҚО-да биыл 7 мектеп пайдалануға берілуі керек
"Жайлы мектеп" пилоттық ұлттық жобасына сәйкес 2023-2025 жылдар аралығында облыста 4200 орындық 10 мектеп салу жоспарланған
ШҚО Құрылыс, энергетика және ТКШ басқармасы оның ішінде 300 орындық 6 мектеп және 600 орындық 4 мектеп екенін мәлімдеді, деп хабарлайды Устинка LIVE тілшісі.
Осылайша қала мен ауыл арасындағы білім беру сапасының алшақтық факторларын жою, сондай-ақ білім беру ортасының (инфрақұрылымның) жаңа стандарттарын енгізу көзделген.
ШҚО Құрылыс басқармасының ақпаратына сүйенсек, 2023 жылы 3000 орындық 7 мектепті жобалау және құрылысы басталды. Оның ішінде 600 орындық 3 мектеп (Өскемен қ.-2, Риддер-1) және 300 орындық 4 мектеп (Өскемен қ., Шемонаиха қ., Белоусовка к., Опытное поле а.). Бұл оқу ошақтары 2024 жылы пайдалануға беріледі деп жоспарланған.
Сонымен қатар, ағымдағы жылы 1200 орындық 3 мектептің жобалауы және құрылысы басталады: (Өскемен қаласында 600 орындық 1 мектеп және 300 орындық 1 мектеп, Прапорщиково ауылында 300 орындық 1 мектеп). Пайдалануға беру 2025 жылға жоспарланған, - делінген хабарламада. - Мектептердің нысаналы құрылысы бойынша бірыңғай оператор болып "Samruk-Kazyna Construction" АҚ анықталған.
Аталған нысандардың жер учаскелеріне инженерлік-коммуникациялық инфрақұрылымды жүргізуді жергілікті атқарушы органдар қамтамасыз етеді.