Өскемен мен ШҚО ШҚО Жұмыспен қамту басқармасы "Үміт" үйінің балаларына қамқорлық көрсетеді
Енді басқарманың 600 қызметкері "Үміт" үйінің 14 баласын патронаттық қамқорлыққа алады
Жыл сайын бір күндік жалақыларын осы балалардың есепшотына аударып отырады, деп хабарлайды Устинка LIVE тілшісі.
2011 жылдың қыркүйегінен бастап облыстың білім беру саласында жетім балалар мен ата-анасының қамқорлығынсыз қалған балаларды қолдау жөніндегі кешенді жоспар іске асырылуда. Осы жоспар шеңберінде Қазақстанда баламасы жоқ "Мейірім" акциясы өткізіледі. Оның мәні - әрбір жетім балаға корпоративтік тәлімгерлік қағидаты бойынша "патронаттық" кәсіпорындарды немесе ұйымдарды бекіту болып табылады. Онда балаларға мамандық таңдауда, жұмысқа орналасуда, жазғы демалысты ұйымдастыруда, қымбат емделуде, тұрғын үймен қамтамасыз етуде, шетелдік жоғары оқу орындарында оқытуды ұйымдастыруда көмек көрсетіледі.
Осы акция асында 1 ақпанда "Үміт" балаларды қолдау орталығы мен ШҚО Жұмыспен қамту және әлеуметтік бағдарламаларды үйлестіру басқармасы арасында әлеуметтік келісімшарт жасалды, - деп хабарлады басқармадағылар. - Әлеуметтік келісімшартқа сәйкес енді облыстық басқарманың 600 қызметкері жыл сайын "Үміт" орталығының 14 баласының шотына бір күндік жалақыны аударатын болады.
