Қазақстан Қазақстандық хоккейді дамыту қолға алынды
Қазір Қазақстанда маман жетіспеушілігіне байланысты бұл спорттың қарқыны бәсеңдеген
Елімізде хоккей спортын дамыту, хоккейден жаттықтырушыларды дайындау үшін Қазақ спорт және туризм академиясы мен Қазақстан хоккей федерациясы арасында келісім жасалды, деп хабарлайды Устинка LIVE тілшісі.
Келісім шеңберінде бірлесе отырып білім беру бағдарламасын құрастыру жоспарлануда.
Хоккей Қазақстанда өткен ғасырдың ортасында дами бастады. Тәп-тәуір жетістіктеріміз де баршылық. Дегенмен, соңғы онжылдықта хоккей спортының қарқыны бәсеңдеп қалды. Оны маманның жетіспеушілігімен байланыстыруға болады. Олқылықтың орнын толтыруға біз әрдайым ықыластымыз. Бірлесе хоккей жаттықтырушыларын дайындасақ, ел хоккейі алға басар еді. Жас жеткіншектердің осы спорт түріне аңсары ауып, түрлі жарыстарда мәртебеміз көтерілері хақ, - деді Қазақ спорт және туризм академиясының ректоры Бауыржан Закирьянов.
Оқушылары пышақ жарақатын алған мектеп директорына қатысты қызметтік тексеру жүргізілуде.