Өскемен мен ШҚО ШҚО-да әйел адам заңсыз діни материалдарды таратқан
Катонқарағайлық азаматша мессенджер арқылы тыйым салынған бейнероликтерді таратқан
Оған осы әрекеті үшін 100 АЕК айыппұл салынды, деп хабарлайды Устинка LIVE тілшісі Polisia.kz ақпаратына сүйеніп.
Полиция қызметкерлері әйел адамды әкімшілік жауапкершілікке тартты.
ШҚО ПД экстремизмге қарсы іс-қимыл басқармасының қызметкерлері жедел-іздестіру іс-шаралары барысында Катонқарағай ауданының 35 жастағы тұрғынын анықтады, ол танымал мессенджердің көмегімен басқа пайдаланушыларға сот шешімімен тыйым салынған бейнероликтерді жіберген, - деп хабарлады Polisia.kz.
Аталған құқық бұзушылық жасағаны үшін ол ҚР ӘҚБтК-ның 453-бабы 4-бөлігі (Бұқаралық ақпарат құралдарының өнiмiн, сол сияқты өзге де өнiмдi Қазақстан Республикасының аумағында дайындау, сақтау, әкелу, тасымалдау, тарату) бойынша әкімшілік жауапкершілікке тартылды және 100 АЕК мөлшерінде айыппұл салынды.
Шығыс Қазақстан облысының полиция департаменті азаматтарға Қазақстан мұсылмандары діни басқармасының ресми интернет-ресурстарынан алынған әдебиеттер мен материалдарды басшылыққа алу қажеттігін еске салады.