Өскеменде жұмыртқа 57 теңге, тұз 70 теңгеден

Ал тұз бағасы бір жылға тұрақты болмақ, деп хабарлайды Устинка LIVE тілшісі.

Бұл баға тұрақтандыру қорының сауда орындарында екенін еске салайық.

І-ші санаттағы жұмыртқа бағасын тұрақтандыру мерзімі 11 ақпанға дейін ұзартылды, - деп хабарлады "Ертіс" ӘКК" АҚ. - Тұрақтандыру бағларламасының павильондарында жұмыртқаның 1 данасы 57 теңгеден сатылуда. Сауда павильондарынан түскен сұраныс бойынша жұмыртқа күнделікті жеткізіледі.

Естеріңізге сала кетсек, өткен жылдың төртінші тоқсанында жұмыртқа бағасының қымбаттауы байқалғандықтан “Ертіс” ӘКК” АҚ мамандарының мұрындық болуымен аталмыш тауар бағасын қаңтардың басына дейін қысқа мерзімді тұрақтандыру тәсілі қолға алынған болатын. Алайда сұраныс пен өтінімдерді ескере отырып, арнайы комиссия шешімімен жұмыртқа бағасын тұрақтандыру тағы бес аптаға ұзартылып отыр. Ары қарай тұрақтандыру бойынша нарықтық баға өзгерістері мен жергілікті сұранысты ескере отырып шешім қабылданбақ.

Сондай-ақ, тұз бағасының ары қарай да шарықтап кетуіне жол бермеу үшін облыс әкімдігі мен "Ертіс" ӘКК" АҚ бірлесіп, баға тұрақтандыру бойынша шаралар қабылдады. Нәтижесінде келісімшарт бойынша 1 жыл бойы 130 тонна тұз жеткізілетін болады. Яғни, тұрақтандыру бағдарламасының сауда павильондарында тұз 70 теңгеден сатылатын болады.