Өскемен мен ШҚО Өскеменде шағын автобустар сатып алынады
Алғашқы 10 микроавтобус төрт алыс аудандардың бағыттарына беріледі
Өскемен қаласының әкімі Жақсылық Омар 2024 жылғы қаладағы қоғамдық көлік саласындағы жаңа жоба жайлы мәлімдеді, деп хабарлайды Устинка LIVЕ тілшісі.
Қала әкімінің айуынша, көлік компаниясының жолаушылар тасымалы үшін шағын автобустардың жеке паркін сатып алуы 2024 жылы қоғамдық көлік саласындағы іс-шаралардың бірі болмақ.
Бұл жобаның бірқатар артықшылықтары бар, - деп жазды Жақсылық Мұқашұлы Инстаграмдағы өзінің жеке парақшасында. - Бір жағынан, шағын автобустар жол желісінің ерекшелігі кедергі келтіретін аудандардағы маршруттардың жүйелілігін қамтамасыз етеді. Екінші жағынан, бұл жолаушылар ағыны әрдайым қарқынды бола бермейтін жерлерге экономикалық тұрғыдан негізделген. Сонымен қатар, үлкен автобус маршруттарындағы сияқты кадр тапшылығы туындамайды
Қазір алғашқы 10 көлікті сатып алуға конкурстық рәсімдер жарияланған. Олар бірінші кезекте келесі маршруттарға бағытталатын болады:
- Защита және Стрелка аудандары арасындағы нөмір 228 маршрут
- Бажов және Жастар көшелерінің арасындағы нөмір 261 маршрут
- Арматурный және Промбаза аудандары арасындағы нөмір 229 маршрут
- Өзен вокзалы мен Нұрлы көш кенті арасындағы нөмір 256 маршрут
