ШҚО-да бір тәулік ішінде 5 борышкер анықталды

Олар әкімшілік айыппұл төлемеген немесе мемлекетке берешегін өтемегендер, деп хабарлайды Устинка LIVE тілшісі Polisia.kz ақпаратына сүйеніп.

Өскемен қаласы полиция басқармасының көші-қон қызметі бөліміне әкімшілік айыппұл төлемеген және мемлекетке 200 мың теңгеден астам қарыз бар борышкерлерге іздеу жариялау туралы жеке сот орындаушыларының қаулылары келіп түскен. Іздестіру іс-шаралары барысында көші-қон қызметінің қызметкерлері бір тәулік ішінде борышкерлердің орналасқан жерін анықтады, - делінген хабарламада. - Енді сот орындаушылары қарызды өндіріп алады.

Жыл басынан бері ШҚО полиция департаменті бір тәулік ішінде 35-тен астам борышкерді анықтады. Көші-қон қызметі атқарушылық құжатты орындамағаны ҚР ӘҚБтК-ның 669-бабы бойынша әкімшілік және ҚР ҚК-ның 139-бабымен қылмыстық жауаптылық көзделгенін ескертеді.