Өскемен мен ШҚО ШҚО-да көп қойылған есімдер: Айкөркем мен Ислам
"Азаматтарға арналған үкімет" МК ШҚОФ өңірдегі ең танымал есімдерге рейтинг жасады
Үздік бестікке Айкөркем, Айбибі, Көзайым, Ульяна, Муслима есімдері енді. Ер балалар тізімінде Ислам, Хангелді, Хантөре, Хамза, Марк есімдері көп кездеседі, деп хабарлайды Устинка LIVE тілшісі.
Бүгінгі таңда баланың туу туралы куәлігін алуға өтінімді онлайн режимінде беруге болатынын еске саламыз. Ағымдағы жылдың басынан бері ШҚО-да барлығы 30 мыңнан астам құжат берілді.Оның ішінде ресімдеуге 4 мыңнан астам өтінім проактивті форматта берілді. Егер өткен жылмен салыстырсақ, проактивті өтінімдер саны екі есеге артқан.
Бала туылғаннан кейін жас ана SMS-хабарлама алады. Бұл хабарламаға жауап ретінде сіз бірнеше сұрақтарға жауап беріп, таңдаған есіміңізді жазуыңыз керек. Бұл формат туу туралы куәлікті алу процесін жеңілдетеді және уақытты айтарлықтай үнемдейді, - деді Мемлекеттік корпорацияның Шығыс Қазақстан облысы бойынша филиалының директоры Азамат Есембулов.
Естеріңізге сала кетейік, 1 шілдеден бастап АХАТ бөлімдерінің функциялары «Азаматтарға арналған үкімет» мемлекеттік корпорациясына берілді. Неке қиюды тіркеу туралы өтініштерді қабылдау және өңдеу, сондай-ақ шешім қабылдау және нәтижелерді беру әлі де АХАТ қызметкерлерімен жүзеге асырылады.
