Өскемен мен ШҚО "Өскемен-Риддер" трассасындағы апатта екі адам қаза тапты
Кеше таңғы уақытта жеңіл автокөлік пен жүк көлігі соқтығысқан
Нәтижесінде жеңіл автокөлік жүргізушісі мен жолаушысы оқиға орнында көз жұмды, деп хабарлайды Устинка LIVE тілшісі ШҚО ПД баспасөз қызметі ақпаратына сүйеніп.
Ағымдағы жылдың 4 желтоқсанында сағат 09.00 шамасында Глубокое ауданы "Өскемен-Риддер" трассасының 34-ші шақырымында жеңіл автокөлік пен жүк көлігі соқтығысқан, - деп хабарлады ШҚО ПД баспасөз қызметі. - Жол-көлік оқиғасы салдарынан жеңіл автокөліктің жүргізушісі мен жолаушысы ауыр дене жарақаттарынан оқиға орнында қайтыс болды.
Осы факті бойынша ҚР ҚК-ның 345-бабы 4-бөлігі - "Көлік құралдарын басқаратын адамдардың жол жүрісі қағидаларын бұзуы, абайсызда екі және одан да көп адамның өліміне әкеп соқтыруы" бойынша сотқа дейінгі тергеу басталды.