Ертең ШҚО-да күн тұманды, қатты жел болады

"Қазгидромет" ШҚ филиалының ақпараты бойынша 05 желтоқсанда облыстың солтүстігінде, шығысында жаяу бұрқасын күтіледі.

Облыстың солтүстігінде, шығысында, оңтүстігінде тұман, көктайғақ болады. Жел оңтүстік-шығыстан, оңтүстіктен соғады, облыстың солтүстігінде, шығысында, оңтүстігінде 15-20, күндіз екпіні 23-28 м/с.

Өскемен қаласында таңертең және күндіз жаяу бұрқасын күтіледі. Оңтүстік-шығыстан, оңтүстіктен жел соғады, екпіні 15-20 м/с.

Халыққа мүмкіндігінше елді мекендерден шықпауға кеңес береміз, - деп ескертеді ШҚО ТЖД баспасөз қызметі. - Бұрқасын кезінде жол нашар көрінетіндіктен көлік кептелісі туындап, жаппай жол-көлік оқиғаларының қаупі бар. Автокөлік жүргізушілері жылдамдық режимі мен қашықтықты сақтаулары керек.

Жолға шығар алдында жол жағдайын "Дәрмен" ұялы қосымшасы арқылы біліп алу керек. Республикалық маңызы бар жолдардың жай-күйін 26-28-08, облыстықты 57-42-52 телефондары арқылы анықтауға болады.