Өскемен мен ШҚО "Жас бүркіт" әскери-патриоттық клубы құрылғанына 20 жыл
Клуб Қазақстан Республикасы Ұлттық ұланының бастамасымен құрылған
Осыған орай, №3477 әскери бөлімінде "Жас бүркіт" сыныптарымен әскери эстафета жарысы өтті деп хабарлайды Устинка LIVE.
Жас буынды патриоттық рухта тәрбиелеу және әскери қызметке қызығушылықтарын арттыру мақсатында ұйымдастырылған шараға №19 орта мектебінің жалпы саны 32 оқушысы қатысты.
Тәрбие отбасынан басталады. Біз балаларды жастайынан әскери-патриоттық тәрбиеге баулуды көздедік. Әскери отбасы дегенді қалыптастыруға тырыстық. Біздің мүдде – балаларды өз елінің патриоты, еліне адал қызмет ететін азамат етіп дайындау, - дейді №3477 әскери бөлімі командирінің тәрбие және әлеуметтік-құқықтық жұмыстар жөніндегі орынбасары майор Аңсар Шакенов.
Жарыс соңында №5518 бөлімінің әскери оркестрінің сүйемелдеуімен жеңімпаздарға №3477 әскери бөлімі командирінің грамоталары табысталды.
Следующая →